#🇮🇳 आद्य क्रांतिकारक "वासुदेव बळवंत फडके

## 🇮🇳 आद्य क्रांतिकारक "वासुदेव बळवंत फडके" 🇮🇳

सरस्वती-बळवंतांचा तू तेजस्वी सुपुत्र।

तुझ्या स्मरणाने नतमस्तक होई हृदय पवित्र॥

विखुरलेल्या मनांना तू एकतेच्या धाग्यात गुंफिले।

स्वातंत्र्याचे स्वप्न तू जनमानसात पेरिले॥

ना मुकुट माथी, ना सिंहासन, ना सत्तेचा थाट।

तुझ्या पराक्रमाने उजळली स्वातंत्र्याची पहाट॥

अन्यायापुढे न झुकलास, स्वाभिमानाची शान।

मातृभूमीच्या चरणी अर्पिले अवघे तुझे प्राण॥

कैक महात्मे झाले पुढे, इतिहासाची पाने सजली।

पण तुझ्या त्यागाची ज्योत आजही हृदयांत तेवली॥

काळ बदलला, युगे उलटली, तरी न मिटे तुझी खूण।

कोटी हृदयांत अढळ राहील तुझे सिंहासन अजून॥

**भारत माता की जय! 🇮🇳**

**वंदे मातरम्! 🇮🇳**

✍️ **विजयकुमार पाटील**